НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » » Һуған уңышы мул булһын тиһәң…

Һуған уңышы мул булһын тиһәң…


Һуған уңышы мул  булһын тиһәң…
Һуған яҡшы итеп ашлама индерелгән һәм дымландырылған ерҙе ярата, балсыҡлы урында насар үҫә. Уны элек ҡыяр, помидор, кәбеҫтә, шалҡан, редис, сельдерей кеүек йәшелсәләр үҫкән ергә сәсеү отошло. Орлоҡто сәсергә ике аҙна ҡалғас, түтәлдәр әҙерләгеҙ. Уларҙың бейеклеге 15 – 20 см булһын. Һәр квадрат метрға ярты биҙрә серетмә, торф-тиреҫ компосы, ике стакан ағас көлө һалығыҙ. Яҙ иртә килгән йылдарҙа, тупраҡ йылынғас, апрелдән дә ҡалмай һуған ултыртырға була. Шытыуҙы тиҙләтеү, үҫемлектәрҙе ауырыуҙарҙан ҡотҡарыу өсөн орлоҡтарҙы йылы һыуҙа йыуып, марганцовка иретмәһендә сылатып ( 2,5 литр һыуға ярты грамм алына), 40 градус йылылыҡта 20 минут тотоу шарт. Шунан һуң ике мәртәбә йыуып, орлоҡтарҙы бер аҙ һыуҙа тотоғоҙ. Һуған тупраҡҡа ике сантиметр тәрәнлектә ултыртыла. Орлоҡтар араһы биш сантиметр булыуы шарт. Тәүге айҙарҙа һыуҙы күп һибергә кәрәк. Ул ҡырауҙан ҡурҡмай. Был йәшелсәне һыйыр, ҡош тиҙәге, минераль ашламалар менән туҡландырыу яҡшы. Ер артыҡ ҡатып китмәһен, ваҡытында ҡыйын йолҡоп тороғоҙ. Уңыш июль аҙағында, ҡойма ямғырҙар башланғансы йыйып алына. Ҡыяҡтары менән бергә йолҡоп, ике аҙна самаһы елләтелеп торған урында киптерәләр.

Һуған үҫтереүселәргә файҙалы кәңәштәр:

Һуған тиҙерәк ҡыяҡ ебәрһен тиһәгеҙ, ултыртыр алдынан башын ҡырҡығыҙ.
Орлоғоғоҙ эре икән, уҡ ебәрмәһен өсөн тамыр өлөшөн яртылаш ҡырҡып алығыҙ.
Һуған кишер түтәле янында яҡшы үҫә.
Һуған себене булмаһын тиһәгеҙ, түтәлгә бер аҙ тоҙ һибегеҙ.
Орлоҡтарҙы һыуыҡ тупраҡҡа ултыртмағыҙ, һуған ауырыуҙарға тиҙ бирешәсәк.

Сығыу ваҡыты 1-05-2018, 07:00 | Ҡаранылар: 116
|
  • Ҡышҡылыҡҡа ужым һуғаны һәм һарымһағы
  • Уф, себен!
  • Йәшел һуған бәлеше
  • Баҡсасылар өсөн ай календары
  • МАЙҒА АЙ КАЛЕНДАРЫ
  • Информация

    Комментировать статьи на сайте возможно только в течении 4 дней со дня публикации.


  • Мүк өҫтөндә бөрлөгән (Хикәйә)
  • Дилүзә БАЙСУРИНА
  • Изгелек ерҙә ятып ҡалмай
  • «Шундай матур, шундай йылы Уйлап сығарған донъям…»
  • Балаларығыҙ хаҡына үҙегеҙҙә ҡайғығыҙҙы еңерлек көс табығыҙ
  • 10 июнь – Ҡәҙер кисе
  • Билдәле актер Азамат Хәлилов вафат булды
  • Тырыштар уңышҡа өлгәште
  • Үәт, ҡыҙыҡ! (8.06.2018)
  • Бала ҡуйындағы йыланға әйләнмәһен



  • Радио Юлдаш FM