НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» » Тәмәкегә хаҡ ҡапыл артасаҡ

Тәмәкегә хаҡ ҡапыл артасаҡ


Рәсәйҙә бер ҡап тәмәкенең хаҡы 216 һумға тиклем күтәрелеүе ихтимал. Сөнки тәмәке хаҡындағы акциз өлөшө ике тапҡырға артасаҡ. Был ҡарарҙы тәмәкегә ҡаршы көрәш буйынса Бөтә Рәсәй һаулыҡ һаҡлау ойошмаһы ла хуплап ҡаршы алған. Сөнки ҡайһы бер илдәр, мәҫәлән, Бөйөк Британия акцизды 70 процент­ҡа тиклем күтәргән. Рәсәйҙә әлегә бер ҡап тәмәкеләге акциз өлөшө 40 проценттан үтмәй. 2013 йылда илебеҙ бюджеты тәмәкегә һалынған акциздарҙан ғына 200 млрд һумға тулыланған.

– Әлеге ҡарар Рәсәйҙә акциздар үҫешен тиҙләтеүгә мөмкинлек бирәсәк, – ти Ҡулланыусылар йәмғиәте конфедерацияһының идара рәйесе Дмитрий Янин. – Был һаулыҡ һаҡлау өлкәһенә сығымдарҙың ҡыҫҡарған осоронда айырыуса мөһим. Шул рәүешле алынған аҡсаны хатта тәмәкегә ҡаршы көрәшкә түгел, ә табиптарҙың эш хаҡын күтәреүгә йүнәлтергә мөмкин.

Тартмаған кешегә әле лә тәмәкегә хаҡ ҡиммәт кеүек. 50 – 100 һумға бер ҡап сигарет алғансы, башҡа файҙалыраҡ әйбер алыр инең, тип уйлап ҡуяһың. Килә­сәктә хаҡтарҙың тағы ла артыуы тәмәкеселәрҙе был насар ғәҙәттән ҡотолдорормо икән? Тәмәкегә хаҡ артыуына улар нисек ҡарай?
Ғәзинур, 45 йәш:

– 200 түгел, 500 һум булһын, тартырғамы-юҡмы – уныһын күҙ күрер. Әлбиттә, кеҫәгә һуғасаҡ инде. Тимәк, уйланыр урын бар.
Арыҫлан, 38 йәш:

– Тәмәке тартыуҙы, тарт­мауҙы хаҡтар ғына көйләй алмайҙыр ул, тартҡыһы килгән кеше, күпме генә торһа ла, барыбер тартасаҡ. Шуға күрә ҡарарҙың ниндәйҙер файҙа килтереренә ышанып та етмәйем. Ә үҙемә килгәндә, хаҡ күтәрелгәнсе үк ташларға тип торам, һаулыҡ өсөн.
Тимерғәле, 25 йәш:

– Бик яҡшы. Күптән ташларға йыйынып йөрөйөм, гел һуҙып килә инем, хаҡ күтәрелеү менән мотлаҡ ташлаясаҡмын, 200 – 300 һумға тәмәке алып булмаҫ.

С. АМАНТАЕВА.

Сығыу ваҡыты 17-10-2014, 09:26 | Ҡаранылар: 988
|
  • Илдәге иҡтисади тотороҡһоҙлоҡ ҡурҡытмаймы?
  • Тәмәкенең зыяндан башҡаһы юҡ
  • Иң түбән эш хаҡы – 5500 һум
  • Артыҡ 1500 һумың булһа, әйҙә, тарт
  • Тәмәке ҡоло булмағыҙ!
  • Информация

    Комментировать статьи на сайте возможно только в течении 4 дней со дня публикации.


  • “Уның үлемен теләп йәшәнем...”
  • Еҙнәм инең (хикәйә)
  • “Кеше үлемендә минең дә ғәйебем бар...”
  • Мин һәр саҡ табип хатаһы ебәреүҙән ҡурҡа инем...
  • Үәт, ҡыҙыҡ! (17.11.2017)
  • Үәт, ҡыҙыҡ! (24.11.2017)
  • Татлы һөйөүҙән кем туйған?
  • ҺАБАҠ (хикәйә)
  • Мәүлит байрамы мөбәрәк булһын!
  • Бүләктәр – өлөшлөләргә!



  • Радио Юлдаш FM