RSS-подписка facebook facebook Вконтакте Вконтакте
» » Үҙебеҙҙең ризыҡҡа ни етә?

10.10.2014 Үҙебеҙҙең ризыҡҡа ни етә?

Төбәктә киң төҙөлөш эштәре алып барған ҡеүәтле ойошмаға ҡараған “Толпар” йәмғиәте район иҡтисадына ҙур өлөш индерә. Бөгөн бында йәмғеһе 850 баш йылҡы малы иҫәпләнә. Быйыл март айынан эшкәртеү тармағына тотонғандар. Әлеге ваҡытта цех йылҡы һәм һыйыр итен һатыу­ға сығара, ә етештереү эшмәкәрлеге тиҫтәнән ашыу төр продукцияны үҙ эсенә ала.

– Маҡсатыбыҙ – сифатлы продукция тәҡдим итеү, – ти цех мөдире Марат Уйылданов. – Беҙҙә етештерелгән ярымфабрикаттарға, колбаса изделиеларына бер ниндәй ҙә тәмләткес тә, консерванттар ҙа ҡушылмай. Ҡаҙы ҙур һорау менән файҙалана. Магазин кәштәләренә һалып өлгөртөп булмай хатта.
Әлбиттә, һәр уңыштың башы коллективтың намыҫлы хеҙмәте һәм тырышлығы менән бәйле. Шуға күрә лә етәкселек эшселәр туплауға етди ҡараған. Бөгөн бында эшләгән ете кешенең барыһының да ошо өлкәләге тәжрибәһе ҙур.

– Туғыҙ йыл ғүмеремде ит цехында эшләүгә арнаным. Барыһы ла оҡшай, эш хаҡы ла насарҙан түгел, – ти Әлфиә Мусина.

– Күңел ятҡан эш булғас, арытмай ҙа, ялҡытмай ҙа, – тип һүҙгә ҡушыла Гөлсинә Яманғолова. – Продукциябыҙҙы яратып алыуҙары, кешеләрҙең рәхмәт әйтеп китеүе дәртләндермәй ҡалмай.

Ғөмүмән, йәмғиәт етәкселеге һәм эшселәр киләсәккә яҡты уй-пландар ҡора. Киләһе йылдарҙа етештерелгән продукцияның ассортиментын арттырыу буйынса ла маҡсатлы эштәр алып барыла.

Етештереү цехында булғандан һуң район хакимиәте башлығының ауыл хужалығы буйынса урынбаҫары Азат Шәриповҡа бер нисә һорау менән мөрәжәғәт иткәс, ул:

– Баймаҡ районы республикала ауыл хужалығы тауарҙарын етештереүсе эре төбәктәр исемлегенә инә. Бөгөн агросәнәғәт тармағы комплексында 14 ауыл хужалығы предприятиеһы, 272 фермер хужалығы иҫәпләнә. Һуңғы йылдарҙа йыл да ҡабатланған ҡоролоҡ, яғыулыҡ-майлау материалдарына һәм башҡаларға хаҡтар­ҙың даими артыуы ҡыйынлыҡтар тыуҙырыуға ҡарамаҫтан, ауырлыҡтарҙы еңеп сығыуға өлгәштек. Ваҡытында сифатлы баҫыу эштәре үткәрелде, уңыш йыйып алынды, мал аҙығы әҙерләнде. Малсылыҡ тармағына ҙур иғтибар бүләбеҙ. Быйыл туғыҙ айҙа 44158 тонна һөт етештерелгән, 4457 тонна ит һатылған, – тип белдерҙе.








Комментарий өҫтәргә


Информация

Комментировать статьи на сайте возможно только в течении 14 дней со дня публикации.


Вернуться назад


Оҡшаш яңылыҡтар



Сибай балалары Ҡырымда бушлай ял итәсәк

Радий Хабиров заслушал доклады и раздал поручения по смогу в Сибае

Р.Хабиров: Мер, предпринимаемых УГОКом в Сибае, — недостаточно

Радий Хабиров провел первую в 2019 году встречу с инвесторами

Башҡортостан етәксеһе Радий Хәбиров: «Салауат Юлаев» — беҙҙең өсөн бик мөһим

Радий Хәбиров республиканың православие христиандарын Раштыуа менән ҡотланы

Радий Хабиров поздравил жителей Башкортостана вместе с детьми из социального приюта

Владимир Путин поздравил Радия Хабирова с Новым годом

Радий Хабиров: В Башкирии мы установили самую низкую оплату за сбор мусора в ПФО

Магнитогорск агломерацияһына инделәр

Торатау мәсьәләһенә нөктә ҡуйылды: изге тауға теймәйәсәктәр

Радий Хәбиров Рәсәй юридик форумында конституцияны үҙгәртмәйәсәген белдерҙе