НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» Материалы за Февраль 2018 года » Страница 8

Әсәлек капиталын айлап ҡулланып буламы?
Яңылыҡтар таҫмаһы // 6-02-2018, 11:38


Әсәлек капиталын айлап ҡулланып буламы?
Республикалағы ғаиләләр үҙҙәренең әсәлек капиталынан айлыҡ түләүҙәргә хоҡуғы бармы-юҡмы икәнлеген махсус калькулятор ярҙамында белә ала.

Ул ошолай тәртиптә эшләй:
- сайтҡа инегеҙ (http://www.pfrf.ru/knopki/zhizn~4061/),
- калькулятор тәҙрәһендә төбәк, ғаилә составы һәм килемегеҙ тураһында мәғлүмәттәрҙе яҙығыҙ
– система һеҙҙең түләүгә хоҡуғыҙ булыу-булмауын асыҡлай.

Шулай уҡ сайтта бының өсөн ниндәй документтар һәм ҡайҙа мөрәжәғәт итергә кәрәклеген белергә мөмкин...

Кәңәшсе
Әҙәбиәт / Юмор // 6-02-2018, 09:00


Кәңәшсе
Ауыл халҡы өсөн үтә мөһим йыйылыш бара: иртә яҙҙан башлап ҡара көҙгә тиклем һыйыр-башмаҡтарҙы көтөргә көтөүсе билдәләү тураһында етди һөйләшеү ҡуҙғатылған. Ысынында, хәҙерге заманда көтөүсе табыу ни ауыр проблемаға әйләнде. Элегерәк көтөүселәр сиратҡа баҫып торалар ине. Әлеге ваҡытта улар юҡ. Кешеләр малдарҙы сиратлап та көтөп ҡараны – һөҙөмтәһе насар. Кемдер был эшкә ихлас тотонһа, күрше-тирәһенән, дуҫ-иштәренән насар һүҙ ишетмәҫ өсөн бар тырышлығын һала, ә берәүҙәр, ололар, үҙҙәренең мал артынан йөрөргә хәле етмәгәс, ҡалала йәшәгән бала-сағаһын ҡайтарып ҡуша. Улар мал көтә беләме ни, тороп һуғып ебәрәләр ҙә, үҙҙәре ҡолаҡсын тығып музыка тыңлап, таш өҫтөндә тик ултыралар. Улар өсөн иң мөһиме – ваҡыт үткәреү. Халыҡ һәйбәт кенә көтөүсене күрергә зар-интизар булған, күпме һораһа, шул тиклем аҡса түләргә әҙер.
Көтөүсе лә үҙ баһаһын халыҡҡа еткерергә тырышты: «Мин был ауыл кешеһе түгел, көтөүлектәрҙе, мал эсерә торған йылғаны белмәйем. Шуға күрә бик аҡыллы ғына, тыуған ерен яҡшы белгән бер кәңәшсе кәрәк булыр. Әлбиттә, ул бушҡа эшләмәҫ, уныһын үҙегеҙ ҡарағыҙ», – тине.
Әбделкәрим баҫты ла: «Беҙҙең ауыл халҡы бик уңған, мал һанын ҡыҫҡартмаҫ, был йәһәттән көтөүсегә зарланырға урын юҡ. Ауыл йәштәре ҡалаға китеп бөттө, эш юҡ. Мәктәпте яптылар, клубты һаттылар. Беҙ шул мал менән булышабыҙ, балалар хаҡына, уларҙы ҡайғыртып йәшәйбеҙ. Бала – бауыр ите, тип юҡҡа ғына әйтмәгәндәрҙер. Мәҫәлән, минең күрше Гөлъямалдың ҡыҙы ҡалала йәшәй, йылына бер тапҡыр ялға ҡайта. Әсәһенә күстәнәскә бер әсмүха сәй, өс-дүрт йөҙ грамм кәнфит алып ҡайта. Әсәһе шатлығын ҡайҙа ҡуйырға белмәй, иң яҡын кешеләрен ҡыҙының күстәнәс сәйенән ауыҙ иттереп сығара. Ә ҡыҙы киткәндә 3 – 4 ҡапсыҡ ит-май тейәп алып ысҡына. Йәки Әхмәтдиҙең улы Себерҙә эшләй. Улар ни ярты машина ризыҡ тейәп китә. Алһындар – йәл түгел. Беҙ, ҡарттар, күп ашамайбыҙ, балалар асыҡмаһын, ит-майға улар интекмәһен», – тип һүҙен тамамланы.
Йыйылышты алып барыусы: «Ситкә киттегеҙ, көтөүсе һәм уға кәңәшсе тураһында һөйләшәйек», – тип иҫәртеп ҡуйҙы.
Аҡ күлдәк кейгән, муйынына галстук таҡҡан мыҡты кәүҙәле бер ир торҙо ла: «Бында күп һөйләүҙең кәрәге юҡтыр. Көтөүсе һәм уға кәңәшсе кәрәклеге бер кемдә лә шик тыуҙырмай. Әле мин ҡалала булып ҡайттым. Бер вуздың ректоры менән һөйләшеп ултырғанда ҡулдары менән ике таяҡҡа таянған, ишекте саҡ асып бер ҡарт килеп инде. «Нәҡ үҙ ваҡытында килдең, Аллабирҙе олатай, – тине ректор, – ул ошонда күп йылдар ректор булып эшләгән, әле хаҡлы ялда, минең иң тоғро кәңәшсем булып тора. Уға арыу ғына эш хаҡы билдәләгәнмен, аҙнаһына 1 – 2 тапҡыр килеп, файҙалы кәңәш биреп китә. Мин уның әйткәнен үтәп, ҡул ҡуям, мисәт һуғам», – ти. Заман башҡа – заң башҡа тигәндәй, хәҙер көтөүсенән министрға тиклем кәңәшсе тоталар. Тимәк, ул – тормош өсөн бик кәрәкле кеше. Шулай булғас, ҡәҙерле иптәштәр, көтөүсенең һорауын тулыһынса үтәйек, эш хаҡын йәлләмәйек. Малыбыҙ туҡ, ҡараулы булыр», – тип үҙе башлап ҡулын күтәрҙе. Күптәр уның тәҡдимен хуплап ҡабул итте. Шулай итеп, көтөүсе һәм кәңәшсе билдәләнде....

Оҫтахана
Новости / Мәғариф // 6-02-2018, 08:00


ОҫтаханаЙомшаҡ китап – сабый өсөн бына тигән бүләк. Ул ваҡ моториканы, уйлау һәләтен, иғтибарлылыҡты үҫтерә, төҫтәр һәм формаларҙы айырырға өйрәтә.
Йомшаҡ китап өсөн фетрҙы, флис туҡыманы, ептәрҙе, төймәләрҙе, муйын­саҡтар­ҙы, синтепонды, яһалма күнде, «молния» һәм йәбешкәк ҡаптырмаларҙы, әҙер аппликацияларҙы файҙаланырға була....

Ер яҙмышы – беҙҙең ҡулда
Объявления / Булат Солтангәрәев исемендәге республика премияһы // 5-02-2018, 15:31


Ер яҙмышы – беҙҙең ҡулда
йәки Үҙебеҙҙең тәбиғәт балаһы икәнебеҙҙе онотмайыҡ

Ер-әсәбеҙ биргән икмәк менән
Аҡ һөттән дә изге нимә бар?
Р. Бикбаев.

Бына, ниһайәт, яратҡан миҙгелем – көҙ етте.
Бар тирә-яҡ алтынға мансылған саҡ. Япраҡтар һары, ҡыҙғылт, көрән төҫкә буял­ған. Ошо төрлө төҫтәге ҡойолған япраҡтар әкиәттәге балаҫты хәтерләткәндәй...
Был миҙгелдең илаһи матурлығын күрергә йыл да тәбиғәт ҡосағына ашҡынам... Тирә-яҡ тып-тын. Ошо тыныслыҡты яратам мин! Төрлө уйға сумып, саф һауа һулап, рәхәтләнеп урман гиҙәм... Ҡапыл, тынлыҡты боҙоп, бөтә урманды яңғыратып көлгән тауыштар ишетелде. Мин шул яҡҡа ыңғайланым. Унда үҫмер егет һәм ҡыҙҙар күңел аса ине. Ҡулдарында – һыра шешәләре, ауыҙҙарында – тәмәке, усаҡ яҡҡандар... Янғын сығарып ебәрмәһәләр ярар ине, тигән уй башымдан сыҡманы. Үҙемдә батырсылыҡ табып, яндарына барып иҫкәртергә булдым. Йәштәр беҙҙең ауылдыҡы түгел ине. Мине күргәс, улар ниңәлер йәһәт-йәһәт кенә ҡайтырға йыйына башланы....

Тамашаларға рәхим итегеҙ!
Яңылыҡтар таҫмаһы // 5-02-2018, 11:45


Тамашаларға рәхим итегеҙ!
5 февралдә Башҡорт дәүләт филармонияһының Ҙур залында Башҡортостандың халыҡ шағиры Нажар Нәжмиҙең тыуыуына 100 йыл тулыу айҡанлы хәтер кисәһе үтә. Фидан Ғафаров, Нәзифә Ҡадирова, Йәмил Әбделмәнов, Вәхит Хызыров, Әлим Ҡәйүмов кеүек билдәле йырсылар уның йырҙары менән сығыш яһай.
Өфө “Нур” татар дәүләт һәм Мәжит Ғафури исемендәге Башҡорт дәүләт академия драма театры артистары Назар Нәжми шиғырҙарын һөйләйәсәк, пьесаларынан өҙөк күрһәтәсәк.
Ошо уҡ көндө “Родина” кинотеатрының Йәшел залында Гәүһәр Батталова сценарийы буйынса Әлфиә Арыҫланова төшөргән “Яныуҙан һәм хистән ҡойолған” фильмы күрһәтелә. Ул шағирҙың тормошона һәм ижадына арнала. Был фильм яҡын киләсәктә төрлө ҡала-районда күрһәтеләсәк....

Бөгөн Башҡортостандың халыҡ шағиры, Салауат Юлаев исемендәге дәүләт премияһы лауреаты Назар НӘЖМИҘЕҢ тыуыуына – 100 йыл
Әҙәбиәт / Шиғырҙар // 5-02-2018, 11:37


Бөгөн Башҡортостандың халыҡ шағиры, Салауат Юлаев исемендәге дәүләт премияһы лауреаты Назар НӘЖМИҘЕҢ тыуыуына – 100 йыл
Бәрәкәтле Дүртөйлө еренең шиғри күңелле улы Назар Нәжмиҙең тыуыуына быуат ваҡыт үтте. Шағирҙар үлемһеҙ, тиҙәр. Ысынлап та, “Өфө йүкәләре”, “Ҡышҡы романс”, “Юҡҡа түгел”, “Һыу һибегеҙ гөлдәргә” кеүек популяр йырҙары, бик күп шиғыры, “Шағир һәм шаһ”, “Күлдәк”, “Урал”, “Ҡапҡалар” кеүек бай йөкмәткеле поэмалары Назар Нәжмигә мәңгелек һәйкәл булып ҡаласаҡ. Шағирҙың үҙе, ижады тураһында замандаштары, әҙәбиәт белгестәре, уны кумиры тип күргән йәш ижадсылар бик күп мәҡәлә, очерк яҙҙы, бағышлау, мәҙхиә ижад итте. Улар 2015 йылда “Йырҙың булмай һуңлағаны” тип аталған айырым йыйынтыҡта донъя күрҙе. Бындай мәҡәләләр киләсәктә лә яҙыласаҡ. Сөнки Назар Нәжми шиғриәтенең сикһеҙ асылын һәр кем үҙенсә аңлай, кисерә һәм күрә.
Шағирҙың тыуған көнөндә шиғыр яратыусы уҡыусыларҙың иғтибарына уның төрлө йылдарҙа ижад иткән әҫәрҙәрен тәҡдим итәбеҙ....

Үпкәмде онота алмайым
Новости / Һаулыҡ һаҡлау // 5-02-2018, 11:17


Үпкәмде онота алмайымМинән 27 йәшкә оло бер инәйем бар. Элек бик йылы мөнәсәбәттә инек. Йыл ярым элек ул мине нахаҡҡа рәнйетте, яҡын кешеләрем хаҡында ла насар һүҙҙәр әйтте. Шунан алып уның менән бөтөнләй һөйләшмәйем. Аңлайым, мин уны ғәфү итергә тейешмен, яҡындарым да шуны талап итә, инәй ҙә күптән үҙенә саҡыра. Ләкин ул иҫемә төшһә, үҙенән-үҙе ҡулдарым йоҙроҡҡа төйөлә, ҡалтырана башлайым, кәйефем төшә. Ә фотоһы күҙгә салынһа, күңелем болғана. Ошо хәлем мине ҡурҡыта, әллә аҡылдан яҙа башланыммы?
Рима, 29 йәш.

Әгәр ҙә был проблеманы хәл итмәһәгеҙ, ул яңы конфликттар тыуҙырасаҡ, тормошоғоҙҙо артабан да ағыулаясаҡ. Ғүмер тиҙ генә үтә лә китә, үкенестәр ҡалмаһын.
Күңелегеҙҙә инәйегеҙгә ҡарата ҙур үпкә һәм әйтеп бөтөлмәгән һүҙҙәрегеҙ ята. Шуға күрә, һеҙҙә психосоматик үҙгәрештәр булған. Иң алда кире эмоцияларҙы сығарыр­ға кәрәк. Инәйегеҙҙең фотоһын алдығыҙға һалып алығыҙ ҙа, уға бар рәнйеүегеҙҙе һөйләгеҙ, илағыҙ, ҡысҡырығыҙ. Әгәр ҙә ҡыҙып китһәгеҙ, яҫтыҡты туҡмағыҙ (был шаярыу түгел, Японияла шундай алым бар). “Пар”ҙы сығарғас, туғанығыҙҙы ысын күңелдән ғәфү итегеҙ. Уға ҡарата йылы һүҙҙәр әйтегеҙ, изгелектәрен хәтерләгеҙ. Артабан бүләк тотоп, инәйегеҙгә ҡунаҡҡа барығыҙ. Ғәйеп ташламай ғына, уның менән аңлашығыҙ, ҡосаҡлашып илап алһағыҙ ҙа була. Шунан һуң йөрәгегеҙҙән ауыр таш төшөр, рәхәт кенә еңеллек тойорһоғоҙ. Киләсәктә ололарҙың ҡайһы бер сифаттарына юмор менән ҡарарға өйрәнһәгеҙ, яҡшыраҡ булыр.

Земфира ҒӘЙФУЛЛИНА,
психолог....

Йондоҙнамә (5-11 февраль)
Махсус бит // 5-02-2018, 10:41


Йондоҙнамә (5-11 февраль)
Ылаҡ (22.12 – 20.01)
Матди мәсьәләләр даими борсоп торор. Был арала аҡсағыҙҙы иң кәрәкле нәмәләргә генә тотонорға кәңәш ителә. Ҡайһы бер таныш-дуҫтарығыҙ кәрәкмәгән мәшәҡәт өҫтәп тора һымаҡ. Аҙна барышында аралашыуҙарҙы кәметегеҙ, осраҡлы танышлыҡтарҙан тыйылығыҙ....

Үәт, ҡыҙыҡ! (2.02.2018)
Әҙәбиәт / Юмор // 5-02-2018, 10:18


Үәт, ҡыҙыҡ! (2.02.2018)
Рәсим күршеләренә утын ярыр­ға ялланған. Ауылдаштары уны күргәс, аптырап:
– Хәстрүш, тәүҙә үҙеңдекен ярыр инең! – ти.
– Ҡатын рөхсәт итмәй...
– Нисек инде?
– Һиңә араҡы эсереп, расхутлан­ғансы, үҙем ярам, ти....

Гранат һуты бөйөрҙәргә ярҙам итә
Новости / Һаулыҡ һаҡлау // 5-02-2018, 07:30


Гранат һуты бөйөрҙәргә ярҙам итәГранат, антиоксиданттарға бай булыу сәбәпле, күптән ғалимдарҙың иғтибарын йәлеп иткән. Израил ғалимдары үткәргән тикшереүҙәр был емештең һуты бөйөр ауырыуҙарына ҡаршы тороусы яҡшы сара булыуын күрһәткән. Ул диализ үтеүсе пациенттарҙы төрлө өҙлөгөүҙән (инфекциянан, йөрәк сиренән) һаҡлай. Тәжрибәлә ҡатнашыусы төркөмдөң яртыһына диализ үтер алдынан гранат һуты эсергәндәр, икенсе яртыһына – плацебо. Һөҙөмтәлә, кемдәр һут эскән, операцияны күпкә еңелерәк үткәргән.
Быға тиклем гранаттың холестеринды кәметеүгә һәм ҡан баҫымын төшөрөүгә булышлыҡ итеүе билдәләнгән. Өҫтәүенә, ул кешенең репродуктив һәләтен әүҙемләштерә....


Борьба с коррупцией

[/aviable]

  • Һуңлап килгән аҡыл
  • Ҡолаҡ һал!
  • Үәт, ҡыҙыҡ! (14.09.2018)
  • Таңым нуры инең
  • Тәүге һөйөү шундай ҡыҫҡа булды
  • «Уҡыусың рәхмәтле булһын»
  • «Салауат Юлаев» - «Локомотив»! Кем-кемде?
  • Тормош үҙе йәшәргә өйрәтә
  • Үәт, ҡыҙыҡ! (31.08.2018)
  • Ылау (Хикәйә)



  • Радио Юлдаш FM