НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» Материалы за 14.02.2018

Мөхәббәт ул — мәңгелек сер
Яңылыҡтар таҫмаһы // 14-02-2018, 16:27


Мөхәббәт ул — мәңгелек сер
Мөхәббәт ул — ул илаһи көс,
Батша башын эйҙерер ул.
Бер йолҡошто хан итер ҙә
Яндырыр ҙа, көйҙөрөр ул.
— Һөйәһеңме? — тип һорама,
Ҡара минең күҙҙәремә.
Ҡарашыма яҙылған бит,
Бөтә әйтер һүҙҙәрем дә.
Яндарыңа саҡыр мине,
Мин осормон диңгеҙ аша.
Көслө һөйөү ялҡынынан,
Хатта тулҡын үҙе ҡаса.
Йыһанда ла мин аҙашмам —
Мине көткән һөйгәнем бар.
Һине тик бер күреү өсөн,
Мең ҡат туңып-көйгәнем бар.
Арабыҙҙан ел үтмәһен,
Саф һөйөүгә төшмәһен кер.
Тик икебеҙ генә белгән
Мөхәббәт ул — мәңгелек сер...

Биктимерова Фәнүзә....

Эшебеҙ юғары баһаланды
Яңылыҡтар таҫмаһы // 14-02-2018, 15:03


Эшебеҙ юғары баһаландыБөгөн БР Профсоюздар йортонда Башҡортостан Республикаһының Йәштәр сәйәсәте һәм спорт министрлығы коллегияһының киңәйтелгән ултырышы үтте. Унда ведомствоның 2017 йылға эше йомғаҡланды, 2018 йылға пландар ҡоролдо.
Сара мәлендә беҙҙең гәзиткә йәштәр сәйәсәте һәм спорт министры Александр Иванюта ҡултамғаһы аҫтында Рәхмәт хаты тапшырылды.
...

“Бүләк итеп сәскәләр өҙмәнем...”
Яңылыҡтар таҫмаһы / Объявления // 14-02-2018, 11:12


“Бүләк итеп сәскәләр өҙмәнем...”
Үлеп яратаһыңмы? Мөхәббәтеңде аңлата алмайһыңмы? Нисек һөйөүеңде белдереү тураһында баш ватаһыңмы? Нимә бүләк итергә белмәйһеңме? Улайһа, был яҙма нәҡ һинең өсөн!

- Магазин кәштәләре Яңы йыл тауарҙарынан һуң Ғашиҡтар көнөнә сувенирҙар менән тулды. Нимә генә юҡ – уларҙың күп төрлөлөгөнән күҙ ҡамаша.
- Иң романтик бүләк, әлбиттә, балдаҡ. Ул йылы хистәрҙе генә белдермәй, ә киләсәктә бергә булырға теләүгә ишара яһай. Һөйгәнеңдең зауығын яҡшы белгәндә, хушбуй һайларға мөмкин. Ҙур йомшаҡ уйынсыҡ йәки йөрәк формаһындағы мендәр барыһына ла тап килә.
- Бер-береһен күптән белгән парҙар, хәстәрлек күрһәтеп, кейем бүләк итә ала. Ирҙәр өсөн универсаль бүләктәр – шарф, галстук һәм ҡайыш.
- Һуңғы йылдарҙа эмоциональ бүләктәр киң танылыу яулай: массаж сеансы, һауа шарында осоу, лимузинда, атта йөрөү һәм башҡалар. Психологтар әйтеүенсә, бындай бүләктәр иң яҡшыһы. Әйбер ҡасан булһа ла ҡиммәтен юғалтасаҡ, ә яҡты хәтирәләр мәңгелеккә күңелдә һаҡланып ҡаласаҡ. Ә бына ҡул сәғәте, фото өсөн рамка, ойоҡбаш кеүек бүләктәр белгестәр тарафынан хупланмай икән. Улар етерлек кимәлдә матур хис-тойғоларҙы уята алмай, күрәһең.
- Байрам көнө мотлаҡ һауа фонарен осороғоҙ, табынығыҙға бәләкәй шәмдәр серлелек өҫтәр. Ғөмүмән, яратҡан кеше өсөн иң ҙур бүләк – һөйгәнеңдең бәхетле ихлас йылмайыуы һәм иғтибары....

14 февраль – Ғашиҡтар көнө
Новости / Мәҙәниәт // 14-02-2018, 11:03


14 февраль – Ғашиҡтар көнө
14 февраль – Ғашиҡтар көнө

Беҙҙә Изге Валентин көнөнә, әлбиттә, ҡараштар төрлөсә. 90-сы йылдарҙа йәшәйешебеҙгә килеп ингән байрамды Рәсәйҙең оло быуын кешеләренең күпселеге ҡабул итмәй. Йылдар уҙған һайын байрамды тынысыраҡ ҡабул итәбеҙ кеүек. Ғашиҡтар көнөнөң мөһимлеге беҙҙең илдә тик йәштәргә генә ҡайтып ҡала. Уларға хистәрҙе белдереү өсөн уңайлы был көн. Шулай ҙа ғаилә ҡорған ир менән ҡатын араһында ла бер-береһенә ҡарата иғтибарлылыҡты арттырған, бүләк йәки көтөлмәгән сюрприз әҙерләгән парҙар юҡ түгел.
Мөхәббәтте нисек теләйһең, шулай аңлатырға була. Уны һүҙ менән ябай итеп әйтһәң дә, төрлө ысул ярҙамында аңлатһаң да, асылы бер үк. Иң мөһиме, ҡоро һүҙҙәр булмаһын! Күберәк яратығыҙ һәм яратылып йәшәргә яҙһын барыбыҙға ла!

Башҡорт эстрадаһының йәш таланттары – әлегә өйләнмәгән егеттәр һәм кейәүгә сыҡмаған ҡыҙҙар блиц-һорауҙарға яуап бирә.
1. Үҙ ғүмерегеҙҙә нисә тапҡыр ғашиҡ булдығыҙ?
2. Ғашиҡтар көнөнә бүләк алғанығыҙ бармы? Иң үҙенсәлеклеһе ниндәй?
3. Ә үҙегеҙ Ғашиҡтар көнөнә һөйгәнегеҙгә ниндәй бүләк әҙерләйһегеҙ?

...

“Әллә илап алаһы, әллә йырлап алаһы...”
Медиа // 14-02-2018, 08:00


“Әллә илап алаһы, әллә йырлап алаһы...”
«Юлдаш» радиоһында һәр йома һайын билдәле йырҙың ошо һүҙҙәре яңғырай. Улар «Көн йыры»н тыңларға саҡыра, тормошта осраған ҡыйынлыҡтарҙан бергә көлөп алырға әйҙәй.
«Иртәнсәккәй тороп» тапшырыуында «Көн йыры» рубрикаһы бына инде ярты йыл эфирға сыға. Ошо ваҡыт эсендә уның интернет селтәрендәге яҙмаларын меңәрләгән кеше ҡараған. Иртәнге эфирҙы алып барған егеттәр хеҙмәт аҙнаһының аҙаҡҡы көнөндә аҙнала булған иң мөһим ваҡиғаға бағышлап йыр башҡара. Маҡсат – билдәле көйҙәргә ижад ителгән был йырҙар тыңлаусыны берсә уйландырырға, берсә көлдөрөргә тейеш....

Ниндәй дарыу һайларға?
Новости / Һаулыҡ һаҡлау // 14-02-2018, 08:00


Ниндәй дарыу һайларға?
Бөгөн дарыуҙарҙың ниндәйе генә юҡ. Һәр ауырыуға төрлөһөн һайлап алырға мөмкин. Кемдәрҙер – хаҡына, кемдәрҙер сифатына ҡарап, үҙенә оҡшағанын һайлай. Әммә һайлаған ваҡытта нисек яңылышмаҫҡа? Ғөмүмән, дарыуҙың ҡайһыныһы яҡшыраҡ?
Уларҙың барыһының да составында ике йөҙ самаһы матдә бар. Дарыуҙың исеме һәм шуға ярашлы хаҡы етештереүсе фирмаһына ҡарап үҙгәрә. Шунлыҡтан үтә ҡиммәтле һәм иң арзан дарыу ҙа берҙәй үк һөҙөмтәгә эйә булыуы ихтимал. Ә һатып алынған дарыуҙың файҙаһы тейһен өсөн уны тәғәйенләнеше буйынса ҡулланырға кәрәк....

Автобуста
Махсус бит / Письма // 14-02-2018, 07:30


Автобуста
Ҡала-яны автобусы туҡталышҡа етеп килгәндә, йән-фарман йүгергән ир менән бала күренде. Трассанан ситтә ятҡан ауылдан, ахырыһы, көрт йырып туранан оло юлға саба был икәү. Битараф булмаған пассажирҙар шоферға: «Саҡ ҡына көтөп тороғоҙ инде», – тип өндәште. Водитель двигателен һүндереп үк ҡуйҙы ла, сабыр ғына креслоһына ауышты. Ирҙең балаһы бәләкәйгә оҡшаған, сама менән 4 – 5 йәш барҙыр, күтәрәм тиһәң – ауыр, йүгертәм тиһәң, яй, тигәндәй.
Ҡолаҡсын кейгән һәм гаджеттарына «инеп» киткән пассажирҙарҙан тыш, барыһы ла был икәүҙең йүгергәнен тәҙрә аша күҙәтә башланы. Бына ҡыҙыҡ, үҙҙәре йүгерә, үҙҙәре тыйыла алмай көлә. Биттәре ҡыҙарып салонға килеп инделәр – урын эҙләү, сумкаларҙы урынлаштырыу мәшәҡәттәренән арынғандан һуң, автобус, ниһайәт, ҡуҙғалып китте. Быларҙың барыһы ла малайҙың шырҡ-шырҡ көлөүе аҫтында эшләнде. Иркенләп ултырышҡас, бала: «Атай, һин бынан да нығыраҡ уф…ра алаһыңмы ул?» – тип ҡысҡырып һорамаһынмы. Ҡыҙарынған-бүртенгән ир нимә тип яуап ҡайтарырға ла белмәне. Һүҙҙе икенсегә борорға теләп, балаһына сумканан уйынсыҡ машина алып бирҙе.
Халыҡтың берәүҙәре ҡабат тәҙрәгә боролдо, икенселәре өҙөлөп ҡалған әңгәмәһен дауам итте. Хәҙер малайҙың яҡшы кәйефе барыһына ла күсте – автобуста һәр кем үҙ алдына йылмая ине.

Л. ҒӘЛИМЙӘНОВА....


Борьба с коррупцией

[/aviable]

  • Логотибы яман, шыр хаталы булһа ла «Башҡортостан гүзәле-2018» матурлыҡ конкурсы тамамланды
  • Мең дә бер кисәнән кәм түгел (Булған хәл)
  • Ҡолаҡ һал! Дарыу урынына – һуттар
  • Әлиә БАТРАЕВА, 19 йәш,
  • «Киндер - сюрприз» һораған Рамаҙанға — конструктор
  • Яңы йыл тамашаһына иң яҡшы сценарийҙы кем яҙыр?
  • Кәүсәриә
  • Ял итергә барһағыҙ
  • «Ғүмер буйы иремә рәнйеп йәшәйем»
  • Йондоҙнамә (22-28 октябрь)



  • Радио Юлдаш FM