НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Выборы 2018 Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» Материалы за 16.01.2018

30 мөмкинлектән – 16 мәрәй
Новости / Спорт // 16-01-2018, 07:00


30 мөмкинлектән – 16 мәрәй
«Салауат Юлаев» командаһы ун осрашыуҙан торған ситтәге ауыр сәфәрҙә, 30 мөмкинлектән 16 мәрәй яулап, ярайһы ғына һөҙөмтәгә өлгәште.
Улар тәүҙә «Аҡ барс»ҡа – 2:1 һәм «Сочи» хоккейсыларына ла 2:1 иҫәбенә еңелгәс, «Себер»ҙе – 6:3, «Барыҫ»ты – 2:0, «Авангард»ты – 2:1, өҫтәмә ваҡытта «Югра»ны – 4:3, «Динамо»ны (Рига) – 4:3 һәм буллит серияһында «Торпедо» уйынсыларын 3:2 иҫәбенә алдырҙы. «Спартак»ка 3:2 иҫәбенә отолоп, һуңғы бәйгелә «Северсталь» клубына өҫтәмә ваҡытта 3:2 иҫәбенә бирелде. Уйлап ҡараһаң, дәғүәселәре лә әллә ни көслөләрҙән булманы. «Югра» менән «Динамо» командаларын ғына һанамағанда. Улар икеһе лә плей-оффҡа мөмкинлектәрен юғалтты, ҡалғандар барыһы ла төп призға өмөтөн өҙмәй, һәр мәрәйгә йән бирерҙәй көрәшә.
Әлегә беҙҙең команда, 50 уйында 77 мәрәй яулап, Көнсығыш конференцияһында алтынсы урынды биләй. Даими беренселектә ҡалған алты осрашыуын да юлаевсылар үҙ майҙанында уҙғарып тамамлаясаҡ. Киләһе уйынын юлаевсылар иртәгә, 17 ғинуарҙа «Витязь» клубы менән уҙғара. Һуңынан беҙгә ЦСКА, «Слован», «Йокерит», «Сочи» һәм «Аҡ барс» киләсәк.
...

Яңы йылды йоҡлап үткәрҙем
Әҙәбиәт / Юмор // 16-01-2018, 07:00


Яңы йылды йоҡлап үткәрҙем
9-сы класта уҡый инем шикелле. Ауылда әхирәттәрем менән Яңы йылды Әлфиә исемле класташымда үткәрергә тип һөйләшеп ҡуйғайныҡ. Ял көнө булыуға ҡарамаҫтан, иртүк тороп, ҙур байрамға әҙерләнә башланыҡ. Һеңлем – салат, мин бутербродтар эшләнек, әсәйем икмәк һалды. Төшкә тиклем үк байрам табынын әҙерләп бөткәйнек.
Тышта малды ҡарап индек, өй йыйыштырылған. Тик ваҡыт һаман үтмәй кеүек тойолдо. Телевизорҙа көнө буйы байрам концерты бара. Әллә арығанлыҡтан, әллә ваҡытты нисек тә булһа үткәрергә белмәй, киске сәғәт 9-ҙар тирәһендә карауатҡа ятып башымды мендәргә терәү менән йоҡлап киткәнмен.
Төнгө 1-ҙәр тирәһендә нисектер уянып киттем. Аптырайым – берәү ҙә өйҙә юҡ. Сәғәткә күҙ һалдым, Яңы йыл үтеп киткән дә баһа. Мине уятмағандарына ныҡ асыу килде, хатта ултырып иларҙай булдым.
Аҙаҡ белеүемсә, карауатта мендәр-юрғандар араһында уранып ятҡас, әсәйем миңә иғтибар итмәгән. Әхирәт­тәрем мине алырға тип килгән, тик, өйҙә юҡ, тип әйткәндәр. Әлфиә ауылдың икенсе осонда йәшәй ине. Минһеҙ сығып киткәндәр. Әсәйемдәр байрамды ҡаршыларға күршеләргә ингән булып сыҡты. Шулай итеп, бер Яңы йылды йоҡлап үткәрергә тура килде.

Гөлнора ЙӘМИЛЕВА....

Интернет мөхәббәт табырға ярҙам итәме?
Новости / Һаулыҡ һаҡлау // 16-01-2018, 07:00


Интернет мөхәббәт табырға ярҙам итәме?Дуҫтарымдың күбеһе интернет аша таныша, үҙҙәренә пар эҙләй. Унда һөйөү ысын буламы ни?
Алина И., 23 йәш.
Баймаҡ ҡалаһы.

Актуаль һорау. Күптәребеҙгә был ғәжәп тойолалыр: нисек инде һин әлегә күрмәгән кешегә ҡарата һөйөү уты тоҡаныуы мөмкин? Интернет киңлегендә бер-ике кәлимә алышалар ҙа – мөхәббәт килде, имеш. Тәү ҡараштан уҡ ғашиҡ булған һымаҡ килеп сыға бит. Ләкин ваҡыт барыһын да үҙ урынына ҡуя. Оҡшатҡан кешегеҙ яҡын-тирәлә йәшәһә ярай ҙа ул. Әгәр ҙә ул бик алыҫта, икенсе ҡитғала булһа, виртуаль һөйөүҙе ысынға әйләндереүе ауырға тура киләсәк. Интернет аша төн уртаһына тиклем әңгәмә ҡороу мөнәсәбәтегеҙҙең тәүге стадияһы ғына. Был хәлде оҙаҡҡа һуҙырға кәрәкмәй.
“Интернет – ул ҙур сәхнә, һәр кем унда үҙенә тәғәйен ролде башҡара” тигән фекер менән килешәм. Социаль селтәрҙәр ярҙамында оҙаҡ аралашып, бер-берегеҙҙе яҡшы беләһегеҙ кеүек тойола башлай. Күптәр унда идеаль образ битлеген кейә. Интернет донъя­һында ул яғымлы, шаян, үткер фекерле, һөйкөмлө, тәрбиәле. Ысынбарлыҡта был кешенең ялҡау, алдаҡсы йәки баҙнатһыҙ булыуы ихтимал. Шуға күрә интернеттағы “дуҫығыҙ”ға бар йөрәктән ышанмағыҙ. Берүк ашығыс һығымталар яһамағыҙ, ғашиҡтар ысынбарлыҡты дөрөҫ баһаламай. Үҙегеҙҙе хаталарҙан араларға теләһәгеҙ, бар ҡыйыу­лығығыҙҙы йыйып, “һөйгәнегеҙ”ҙән һеҙгә ҡарата ниндәй тойғо кисергәнен һорағыҙ һәм осрашырға теләүегеҙҙе әйтегеҙ. Күрешкәс, бер-берегеҙҙе бөтөнләй оҡшатмауығыҙ бар.
Виртуаль аралашыу – ул йөҙ процент алдаҡ, тип әйтергә теләмәйем. Мөғжизәләр була! Әгәр ҙә барыһы ла яҡшы икән, һеҙгә уңыштар теләргә ҡала. Интернет ярҙамында тыуған тойғоно һаҡлау өсөн дә күп көс кәрәк буласаҡ.

Земфира ҒӘЙФУЛЛИНА,
психолог....


Борьба с коррупцией

[/aviable]

  • Аҡ күлдәк (Хикәйә)
  • Үәт, ҡыҙыҡ! (21.09.2018)
  • Министром молодежной политики и спорта Республики Башкортостан назначен Руслан Хабибов
  • Радий Хәбиров бөгөн Башҡортостандың беренсе Президенты Мортаза Рәхимов менән осрашты
  • Үәт, ҡыҙыҡ! (28.09.2018)
  • Тормош – ҡуласа, әйләндереп бер баҫа
  • Үткәндәрҙе ебәрергә өйрәнегеҙ
  • Совет Башҡортостанына бағышланған значок: "Башкирия"
  • Ылау (Хикәйә)
  • Ралина БУРАНҒОЛОВА



  • Радио Юлдаш FM