НАВЕРХ
Төп бит Фотогалерея Видео Аҙаҡҡы Бәйләнеш Иғлан/ҡотлау Закупки Архив
°яңылыҡтар ° төрлөһө ° сәйәсәт ° иҡтисад ° мәҙәниәт ° әҙәбиәт ° мәғәриф ° конкурстар ° иғландар ° беҙгә яҙалар ° хәтер ° махсус °проблема °

» Материалы за 01.05.2017

Наурыҙға йыйылды мәргәндәр!
Яңылыҡтар таҫмаһы // 1-05-2017, 23:47


Наурыҙға йыйылды мәргәндәр!Учалы районының Наурыҙ ауылы апрель менән майҙы тоташтырып, ике көн буйы, 30 апрелдән 1 майғаса, иртәнән кискәсә гөрләп торҙо. Башҡа ваҡытта төтәп, быҫҡып ҡына яталармы, тигән уй башығыҙға инә күрмәһен! Бында йәшәгән талантлы һәм берҙәм халыҡ һүлпәнлектең ни икәнен бөтөнләй белмәй: эшләһә - емертеп эшләйҙәр, ашаһа - ҡайырып тешләйҙәр, сәхнәгә сыҡһалар – һандуғастай һайрап, иҙән таҡталарын емергәнсе, силсәүит түләр әле, тип, бейеп төшәләр. Улар шундай кешеләр, ярым-ярты йәшәй, эшләй, һөйә торғандарҙан түгелдәр. Барыһын да һоҡландырып йәшәүсе тиләүҙәрҙең гүзәл йолалары ла, һанай китһәң, тиҫтә-тиҫтә йыйылыр. “Ауыл көтә улдарын” - шуларҙың береһе. Наурыҙҙар быйыл үҙ ҡаҙандарында ғына ҡайнарға теләмәй, төрлө тарафтарҙан ҡунаҡтар саҡырып, ошо матур сараны ҙурҙан ҡубып үткәрҙе. Уның сиктәрендә, ауылды төҙөкләндереү маҡсатында, өмәләр ойошторолдо, ағастар ултыртылды, күңел көйөн күреп, бала саҡ уйындары тергеҙелде, марш, өсмөйөш кеүек бейеүҙәрҙең саңы ҡағылды. Ә XVII быуаттың аҙағында-XVIII быуаттың беренсе яртыһында Наурыҙҙа йәшәгән атаҡлы Ҡарас сәсәнгә һәйкәлдең асылыуы - ауыл түшенә миҙал ҡаҙау менән тиң ине. Ҡобағош сәсәндең бүләһе Ҡарас - сәсәнлеге менән генә түгел, мәргәнлеге менән дә дан ҡаҙанған батыр. Шуға Наурыҙҙа уҡсылар бәйгеһе лә ойоштороуҙары бер кемде лә аптыратманы. Уҡ-һаҙаҡтарын йөкмәп, Яйыҡ йылғаһы буйына йыйылған сос ҡыҙҙар һәм егеттәр үҙҙәренең таһыллыҡтарын, мәргәнлеген генә күрһәтеп ҡалмай, оҫталыҡ серҙәре менән дә ихлас бүлешкәс, теләүселәр һуңынан ярышып та ҡараны.
(Был сара тураһында гәзитебеҙҙең сираттағы һанында уҡырһығыҙ).
Баныу Ҡаһарманова....

Миләш ҡулланмау – яҙыҡ
Новости / Һаулыҡ һаҡлау // 1-05-2017, 11:35


Миләш ҡулланмау – яҙыҡМиләш беҙҙең яҡта күп үҫә, баҡсабыҙҙа ла уны ултыртҡанбыҙ – ҡыш көнө ҡыҙыл тәлгәштәре күҙҙең яуын ала! Йыл һайын ҡайнатма ҡайнатам, ҡышҡылыҡҡа туңдырам да. Балалар ҡайнатманы ла, миләш емештәренән бешерелгән татлы бәлештәрҙе лә яратып ашай. Бынан тыш, үҙем өсөн айырым дауа ла әҙерләйем.
Йәштән гипертония менән яфаланғанымды белгәс, бер таныш апай рецепт өйрәткәйне, шул килеште. Бәлки, тағы ла кемгәлер файҙаһы тейер тип, “Йәшлек” гәзите уҡыусылары менән дә бүлешәм. Ҡыҙыл миләш емештәрен ботаҡсаларынан айырып, йылы һыуҙа сайҡайым да, таҫтамалға йәйеп һалып, бер аҙ киптерәм. Аҙаҡ ит турағыс аша үткәреп, массаға шәкәр ҡушам. Бер килограмм миләшкә 150 – 200 грамм шәкәр кәрәк. Шәкәр урынына бал булһа, бигерәк тә яҡшы. Яҡшылап бутағас, татлы массаны стерилләнгән бәләкәй банкаларға тултырып, ҡапҡас менән ябып, һыуытҡысҡа ултыртам. Иртән уянғас та әскелтем тәмле дарыу­ҙы бер балғалаҡ ҡабам, йоҡлар алдынан да (ашағандан һуң бер сәғәт үткәс) шунса уҡ ашап ҡуям.
Ботаҡсаларын да ташламайым, йәшел сәйгә ҡушам да, төнәтеп эсәм. С һәм Р витаминдарының һандығы булған миләш, ҡан баҫымын көйләүҙән тыш, атеросклероз кеүек яман сирҙе лә иҫкәртергә ярҙам итә. Үҙебеҙҙең ерлектә үҫкән бындай файҙалы дарыуҙы ҡулланмау яҙыҡтыр, тим.

Ғәлиә.

...


  • Егерме йыллыҡ хыял
  • Үәт, ҡыҙыҡ! (22.09.2017)
  • “Минең дә улым булыр ине...”
  • Беҙҙең өсөн уңайлы Указды дөрөҫ файҙаланайыҡ
  • Йондоҙнамә (25 сентябрь – 1 октябрь)
  • Еҙем-Ҡарандарға оят!
  • "Йәшлек" гәзите яңылыҡтарын "Телеграм" аша алығыҙ!
  • Ҡөрьән ашы тәртиптәре
  • Ҡырау төшөүе ихтимал
  • “Умырзая”, “Рамаҙан”, “Дәүер”, “Әкиәт” – барыһы ла Учалыныҡы!



  • Радио Юлдаш FM